مشكلة الصوت والمايك؟

لما بتاخد الميك بيكون الكمبيوتر مهيأ انه يقبل الصوت من وضعين :
الوضع الاول -------> microphone
الوضع الثاني------> stereo mix

و أيه هو الفرق بين الاتنين ..؟

بالنسبه للوضع الاول (microphone) مبيكونش فيه اي مشاكل غير لما نحب نشغل ترنيمه او اي مشاركه صوتيه مسجله بنكون مضطريين ان احنا نوجه الميك الي السماعات وفي الغالبي بيكون الصوت وحش و واطي

طيب الحل ايه ..؟

الحل في الوضع التاني (stereo mix) وده بنقدر نخلي الكمبيوتر يقبل الترنيمه او اي ملف صوتي من داخل الكمبيوتر مباشرا من غير ما نرجع لوضع الميك قدام السماعه

طيب ازاي اقدر ابدل بين الاتنين ...

خليك معايا :

1. اول خطوه تروح علي السماعه اللي تحت اللي جنب الساعه تحت علي اليمين



2. هتغط كلك يمين وتختار open volume control



3. هتطلعلك صفحه التحكم دي بتاعت الصوت الخارج للسماعات بس احنا عايزين اللي داخل للكمبيوتر فهنختار option



4. ومنها نختار properties



5. هيطلع خصائص التحكم للـ (playback) وده للأصوات اللي طالعه من خلال السماعات
او تحتها علي طول خصائص التحكم للـ (recording) وده اللي احنا عايزينه فهنعلم جنب كلمه (recording)



6. هيظهر شويه اختيارات نعلم عليها كلها ونضغط (ok)



7. هيطلع صفحه كبيره فيها كذا حاجه



8. ارفع كل المؤشرات لفوق علشان يكون صوتك في الميك وفي الترانيم واضح



9. نيجي لأهم خطوه ... اللي هيا لما اجي اتكلم في الميك اختر ايه ولما اشغل ترنيمه اشغل ايه ... ؟
لما تيجي تتكلم في الميك تروح علي كلمه (microphone) وتعلم علي كلمه (select)



10. ولما نحب نشغل ترنيمه منغير ما يكون للميك اي تدخل يعني من الكمبيوتر للؤوم علي طول نروح علي كلمه (stereo mix) ونعلم علي كلمه (select)


وبكده تقدر تزيع ترانيم بجوده عاليه ومنغير ما توجه الميك للسماعات

بس خلي بالك من شويه حاجات مهمه :

* خلي الصفحه الاخيره اللي بتبدل فيها بين الميك و (stereo mix) دايما مفتوحه علشان تكون العمليه سهله
* الشرح والصور دي لأغلب بوردات الكمبيوتر ولكن في بعض البورد بيكون كارت الصوت فيها مختلف فبيكون الاسماء مختلفه شويه يعني مثلا الـ (stereo mix) بتكون اسمها (mono out) كده يعني انا الشرح ثابت علي الكل

الرب يباركك ويسلموا لهلمعومات المفيده

شرح واضح ربنا يباركك